УИХ дахь АН-ын гишүүд шударга ёсны төлөө тэмцлийг эхлүүлээд гурав дахь өдрөө эхлүүлж байна. Тэд Сүхбаатарын талбай дээр өлсгөлөн зарлаж эрх баригчдаас, төрийн байгууллагуудаас шударга ёсыг шаардаж байгаа билээ. Өлсгөлөн зарлаж байгаа гишүүдийн төлөөлөл өчигдөр УИХ-ын чуулганы хуралдаанд оролцож үг хэлж, тэмцлээ үргэлжлүүлж байсан.

Учир нь, төв талбайг олон давхар хамгаалалтад авч хэвлэл мэдээллийнхнийг ч нэвтрүүлэхгүйгээр тэдний тэмцлийг хаалттай болгож байгаа. Иргэддээ үгээ хүргэх нэг арга нь тэдний хувьд чуулганы хуралдааны индэр болж байв.

Өнөөдөр үлдсэн хэсэг нь чуулганы хуралдаанд үг хэлэхээр төлөвлөөд байсан юм. Гэтэл өнөөдөр чуулганы хуралдааныг зарлаагүй байна.

УИХ-ын дэгийн тухай хуулийн дагуу чуулганы хуралдааныг пүрэв, баасан гарагт хийдэг ч өнөөдрийн үдээс өмнөх чуулганы хуралдааныг тодорхойгүй шалтгаанаар зарлаагүй байна.

С.Сүлд