Сонгуулийн ерөнхий хорооноос АН-аас Ерөнхийлөгчид албан ёсны нэр дэвшигч нь С.Эрдэнэ гэсэн шийдвэр гаргажээ.

Энэ талаар УИХ-ын гишүүн Ц.Туваан “2017 оны гуравдугаар сард С.Эрдэнийг намын даргаар Улсын Дээд шүүхэд бүртгүүлсэн байна. Энэ бүртгүүлсэн шийдвэр түдгэлзээгүй байна гэсэн шийдвэрийг Улсын Дээд шүүхийн Тамгын газрын даргаас СЕХ-нд ирүүлсэн байна. СЕХ энэ бичгийг харж байж албан ёсны шийдвэр гаргана гэж байсан. Тухайн бичгийг үндэслээд С.Эрдэнийг бүртгэнэ гэсэн байна лээ. Уг нь үүнээс хойш гурван ч удаа Улсын Дээд шүүх хуралдсан. Намын даргаар намын даргын түр орлон гүйцэтгэгч Ц.Туваан ажиллана гэсэн бичиг байх ёстой.

Монгол Улс 31 жилийн өмнө эрх чөлөөгөө олж авчихаад буцаад алдсан байна. Хайран 31 жил минь дээ.

Өнгөрсөн оны зургадугаар сарын 25-нд намайг дуудсан. АН мэдэгдэл хийнэ гээд. Тэр мэдэгдэл дээр С.Эрдэнэ дараагийн дэд даргад ажлаа өгч байна гэдгийг та бүхэн харсан байх. С.Эрдэнийн өгсөн тэр тамга л одоо О.Цогтгэрэлд бий.

АН хуваагдаагүй. Өнөөдөр бх сум, бүх хүмүүс нэг дороо байгаа. Дээр нь төрийн гурван өндөрлөгийн хоёр нь гарч ирж уулзлаа. Гэхдээ энэ уулзалтаас тодорхой шийдвэр гарна гэж бодохгүй байна. Учир нь тавилттай жүжиг явж байгаа учраас үр дүн гарах эсэхийг мэдэгүй байна.

Монголын парламентын түүхэнд анх удаа долоон минутын дотор хууль баталсан. Тодруулбал, Цэцийн хууль ус шийдвэрийн дагуу анхны хэлэлцүүлэг, байнгын хороо зэргээрээ оруулаад баталчихсан. Энэ дотроос эх орондоо сүүлийн 5 жилийн хугацаанд тасралтгүй амьдарсан гэдэг зүйл заалт байхгүй болчихсон. Та бүхэн хараарай. Хэн энэ заалтыг цуцалсан юм бэ. Яагаад алга болчихов. Энэ талаар асууна" гэлээ. 

А.Сүх