УИХ дахь АН-ын бүлгийн гишүүдийн өлсгөлөн гурав дахь өдрөө үргэлжилж буй. Тэднийг Сүхбаатар дүүргийн эрүүл мэндийн газраас хяналтдаа авч өлсгөлөнгөө яаралтай зогсоохгүй бол эрүүл мэндэд нөлөөлж болзошгүйг анхааруулсан бөгөөд Д.Ганбат гишүүн өлсгөлөнгөө суулт болгож, харин А.Адьяасүрэн, Ц.Туваан нар өлсгөлөнгөө үргэлжлүүлж, ямар нэгэн эрсдэл учирвал хариуцлагаа өөрсдөө үүрнэ хэмээн гарын үсгээ зурсан.

Тэгвэл өлсгөлөн зарласан гишүүд дөнгөж сая УИХ-ын даргатай уулзаж, ажлын хэсэг гарган асуудалд гарц шийдэл гаргахаар тохиролцжээ. 

Энэ талаар УИХ-ын дарга Г.Занданшатар өөрийн цахим хуудастаа "АН-ын гишүүдтэйгээ уулзлаа. Ажлын хэсэг байгуулж, хамтран ярилцаж, гарц шийдэл олохоор тохиров.

Өнөөгийн энэ байдлаас МАН-ын, АН-ын, ардчиллын нэр хүнд л хохирно. Эцэст нь Монгол Улс, Монголын ард түмний эрх ашиг хохирно" гэжээ.

А.Сүх