Монгол Улсын Ерөнхий сайд Л.Оюун-Эрдэнэ Чингэлтэй дүүргийн IV хороон дахь тавдугаар сургууль дээр байрлаж буй дархлаажуулалтын цэгт ажилласан.
Энэ үеэр ерөнхий сайд Л.Оюун-Эрдэнэ "Манай Засгийн газрын эхний 100 хоног амаргүй байлаа. Засгийн газар бүрдсэн эхний өдөр л жагсаал цуглаан зохион байгуулагдаж байсан. Өнөөдөр ч мөн л жагсаал болж байна. Энэ бүхэн угаасаа Ерөнхийлөгчийн сонгуультай холбоотой. Ийм үед Үндэсний аюулгүй байдлын зөвлөлийн гурван гишүүн нэгдмэл байх ёстой. Бид иргэдийн уриалан дуудаж болохгүй. Бид цар тахлаас дээгүүр улс төрийн эрх ашгийг дээгүүр тавьж болохгүй. Тиймээс цар тахлын энэ үед иргэд жагсаал цуглаанд оролцож болохгүй. Харин улстөрчид өөрсдөө үзэл бодлоо илэрхийлэг. Уг нь тэд ч өлсгөлөн зарлаж болохгүй юм.
Би өчигдөр Өмнөговь аймгаас ирж мэдээллийг авсан. ХЗДХ-ийн сайд Х.Нямбаатар хандаж үнэхээр майхан сав хэрэгтэй бол түүнийг нь гаргаж өг гэдгийг хэлсэн. Хамгийн гол нь тэнд халдвар хамгааллын дэглэм зөрчигдөж болохгүй. Үнэхээр халдвар хамгааллын дэглэм зөрчигдөж, дахин хөл хорио тогтоох болвол хэн хариуцлага хүлээх вэ" гэдгийг сайн бодох хэрэгтэй" гэдгийг онцоллоо.
Б.Баатар
Сэтгэгдэл (4)