Эрүүл мэндийн сайд мэдээлэл өглөө. Тэрбээр "Хөл хорио тогтоосонтой холбогдуулан халдварын тархалт буурах хандлагатаймбайна. Энэ нь мөн иргэд дархлаажуулалтдаа идэвхтэй хамрагдаж байгаатай холбоотой. Хэрэв хөл хорио тогтоогоогүй байсан бол хоногт илрэх тохиолдол 3000 давах байсан.

Манай улс 18-аас дээш насны 2,067,292 хүнээ вакцинжуулахаар тооцоолсноос өнөөдрийн байдлаар нэгдүгээр тунгаа хийлгэсэн 1,5 сая иргэн байна. Өөрөөр хэлбэл, зорилтот бүлгийнхээ 74.3 хувийг дархлаажуулалтад хамруулаад байна. Манай улс дархлаажуулалтаараа дэлхийд наймдугаарт явж байна.

Бид нийслэлийн иргэдээ зургадугаар сарын 1 гэхэд бүрэн тунд нь хамруулж дуусах, харин орон даяар долоодугаар сарын 1 гэхэд дархлаажуулатыг бүрэн дуусгах зорилт тавин ажиллаж байна.

Он гарсаар Засгийн газраас 19.1 тэрбумын цалин мөнгө, тоног төхөөрөмжийн хөрөнгө гаргасан. Өвчлөлийн тоо нэмэгдэх тусам хүчилтөрөгчийн аппарат хэрэг болдог. Бид энэ хүрээнд аппаратынхаа тоог нэмэгдүүлж ажилласан.

Бид сүүлийн гурван сарын хугацаанд 31 байршилд 7538 ор, 984 амьсгалын аппарат суурилуулсан. Өнөөдрийн байдлаар улсын хэмжээнд 19019 эрүүл мэндийн ажилтан дайчлан ажиллаж байна" гэлээ. 

А.Сүх