УИХ дахь Ардчилсан намын бүлгийн гишүүд өлсгөлөн зарлаад зургаа хонолоо. Энэ талаар УИХ-ын гишүүн Ц.Туваан “Шинэ долоо хоногийн мэнд ээ. Бид зургаа дахь өдрөө өлсгөлөн, тэмцлээ үргэлжлүүлж байна.

Шударга ёсыг шаардах нь, тэгш боломжийг хүсэмжлэх нь түүнийхээ төлөө тэмцэх нь ардчилсан Монгол Улсын иргэн миний үүрэг юм. Эрх баригчид хүний эрхийн мэдрэмжтэй байж, хууль бус шийдвэрүүдээ эргэж харна байх хэмээн найдна” хэмээн бичжээ.

Сүхбаатар дүүргийн Эрүүл мэндийн төвийнхөн Төв талбайд ирж, УИХ-ын гишүүдэд үзлэг хийж, өлсгөлөнгөө зогсоохыг хүссэн ч тэд зөвшөөрөөгүй. Мөн ХӨСҮТ-ийн эмч нар цар тахлын энэ үед олон хүн цуглуулахгүй байхыг хүссэн ч тэд хүлээн аваагүй юм. Тэдэн дээр УИХ-ын дарга Г.Занданшатар өмнө ирж өлсгөлөнгөө зогсоо. Болохгүй бол би хамт өлсгөлөн зарлана хэмээсэн. Мөн Хууль зүйн сайд, Монгол Улсын Ерөнхийлөгч хүртэл очсон билээ. Харин УИХ дахь АН-ын бүлгийн гишүүд зорьсондоо хүрэхээс нааш өлсгөлөнгөө зогсоохгүй гэдгээ хэлж байгаа юм.

У.Тэргэл