Манай улсад өнөөдөр хүчтэй сөрөг хүчин хэзээнээсээ л үгүйлэгдэж байна. Уг нь улс төрийн томоохон хоёр хүчин гэж ярьдаг байсан ч АН ч энэ жагсаалтаас гарч байх шиг боллоо. Намын дотоод асуудал нь хурцдаж, эрх мэдлийн төлөөх улайрал нь сүүлдээ нийгмийг турхирч эмх замбараагүй байдал руу хөтлөхөө шахав. Тэр нэгэн үймээний халуун мөр одоо ч арилаагүй байхад ханаж цадахаа мэдэхээ байсан нөхөд иргэдийг дахин өдөөх юм гэнэ.
Хэний, юуны төлөө гэж.
Ер нь аливаа үймээнд энгийн иргэд л амь нас, эрүүл мэндээрээ хохирч, зарим нь “аавын” хаалга татаж харин улстөрчид л хождог байх. Үүний тод жишээ бол долоодугаар сарын 1-ний үйл явдал юм.
Төв талбай дээр иргэн өөрийгөө шатааж байхад, нялх биетэй эх эмнэлгээс халаадтайгаа “чирэгдээд” гарахад, бяцхан зүрхүүд гомдолтойгоор хорвоогоос одож байхад талбай дээр өлсөөгүй, хүчтэй сөрөг хүчний дуу хоолойг илэрхийлж чадаагүй байж эрх мэдлийн төлөө үхэн хатан зүтгэж байгааг чинь түмэн харж байна. Ингэж л харагдаж байгаа.
Тийм атал “АН устах гэж байхад юун ковид”, “Монголын ардчиллын төлөө бид тэмцэж байна” гэж яриад явж байгаа чинь утгагүй байна.
А.Сүх
Сэтгэгдэл (17)