УИХ дахь АН бүлгийн хурлаар Засгийн газрын 100 хоногийн үр дүнг хэлэлцжээ.

Бүлгийн дарга Д.Ганбат “АН бүлгийн ээлжит хурлаа Төв талбай дээр хийлээ. Манай гишүүд нэг намын дарангуйллын эсрэг өлсгөлөн зарлаад таван шөнө, зургаа дахь өдрөө болж байна. Хурлаар өнөөгийн цаг үеийн нөхцөл байдлын талаар ярилцлаа. Нөхцөл байдал хүндэрч байна.

Ялангуяа ковидын нөхцөл байдлыг далимдуулан улсын төсвийг хяналигүйгээр зарцуулж байна. Өнөөдөр Монголын ард түмэн эрүүл мэндгүй, Монгол Улс эдийн засаггүй болсон байна.

Залуус эрдэм боловсролгүй болсон байна.

Үүнтэй хэрхэвч эвлэрэхгүй. Өнөөдөр 170 хүн нас барж, 40 мянган хүн халдвар авсан байна. Засгийн газар хуулийн дагуу ажиллах ёстой. Өнөөдөр АН-ын гишүүд зургаан өдөр, таван шөнө доороо тавих эсгий ч үгүй явлаа. Ийм цэвдэг төртэй. Гэтэл хоёрхон жилийн өмнө МАН дотроо 32, 33 хуваагдаж, даргаа өрөөнөөс нь чирж гаргахдаа ямар байдалтай байлаа. Та бүхэн мэдэж байгаа" гэлээ.

А.Сүх