Засгийн газрын 100 хоног тохиож байгаатай холбогдуулан Ерөнхий сайд Л.Оюун-Эрдэнэ мэдээлэл хийж, сэтгүүлчдийн сонирхсон асуултад хариулж байна.

Тэрбээр танхимынхаа сайд нарын нэр холбогдоод буй хариуцлагагүй асуудалд хэрхэн анхаарлаа хандуулж байгаа тухай сэтгүүлчийн асуултад "Цэргийн амь нас эрсдэж байгаа нь туйлын хүнд бөгөөд харамсалтай явдал. Гэхдээ нэг цэрэг эрсдэх бүрт Батлан хамгаалахын сайд огцроод байж болохгүй. Ийм улс дэлхий дээр хаана ч байхгүй.

Засгийн газар нь хөнгөхөн, сайд нар нь үлээхэд нисээд уначихдаг байж болохгүй. Тиймээс би сайд нартаа сануулж байгаа. Авлигатай холбоотой ямар нэгэн асуудал үүсвэл тухайн сайдыг чөлөөлөх захирамж шууд гаргана. Энэ тухай Засгийн газрынхаа хамгийн эхний хурал дээр анхааруулж хэлсэн" гэлээ.

У.Тэргэл