Ерөнхий сайд Л.Оюун-Эрдэнэ Засгийн газрын 100 хоногийн тайлангийн талаар сэтгүүлчдэд өгсөн мэдээллийнхээ үеэр вакцины татан авалтад саад учруулж, нөлөөлсөн улстөрч бол УИХ-ын гишүүн, дэд дарга С.Одонтуяа болон түүний нөхөр Г.Өлзийбүрэн гэж мэдэгдсэн. 

Тэгвэл уг асуудлаар УИХ-ын гишүүн С.Одонтуяа "Ерөнхий сайд Л.Оюун-Эрдэнэ Засгийн газрын 100 хоногийн тайлант хурал дээрээ вакциныг гацаасан хүн С.Одонтуяа гэж маш хариуцлагагүй худал мэдэгдэл хэллээ.

Вакцины асуудал бол 100 хувь Засгийн газрын асуудал хэн ч нөлөөлж чадахгүй.

Сөрөг хүчний үүднээс Засгийн газрыг 100 хоногт ард иргэдээ хамгаалж чадахгүй коронавирусээр 170 хүний алтан амь эрсэдсэн асуудлаар шүүмжилсний төлөө ийм хариуцлагагүй худал мэдэгдэл хийсэнд би маш их харамсаж байна. Хуулийн байгууллагаар шалгуулж тогтоолгоно" гэлээ.

А.Сүх