УИХ-ын гишүүн С.Одонтуяагийн нэр бүхий албан тушаалтнаар гаалийн хяналтгүй бараа хил нэвтрүүлсэн утга бүхий мессеж цахим сүлжээнд тархаад байна. Тодруулбал, өчигдөр Ерөний сайд Л.Оюун-Эрдэнэ Засгийн газрын 100 хоногийнхоо тайлангийн үеэр вакцины татан авалтад саад учруулж, олон нйтийн эсрэг ажилласан хүн бол УИХ-ын дэд дарга С.Одонтуяа, түүний гэр бүлийн хүн Г.Өлзийбүрэн гэж зарлаад үнээс гадна түүнийг Гаалийн байцаагч руу утасдаж, ямар бараа хилээр оруулж гаргах, нэвтрүүлэхгүй талаар заавар өгдөг.

Эрх мэдлээ урвуулан ашигладаг, гэр бүлийн хүн нь хуулийн байгууллагатай холбогдоод Засгийн газрын үйл ажиллагааг гуйвуулах зөвлөгөө өгдөг гэсэн юм.

Дээрх мэдээллийг олон нийтэд мэдээлсний дараа УИХ-ын гишүүн С.Одонтуяа дээрх асуудлыг гүтгэлэг хэмээн энэ талаар хуулийн байгууллагаар шалгуулахаа мэдэгдсэн ч төд удалгүй дээрх утга бүхий түүний төрийн албан тушаалтантай харилцсан мессеж ил болов.

Өөрөөр хэлбэл, Ерөнхий сайдын хэлсэн дээрх асуудал үнэн гэдгийн нотолгоо ч байж болох юм. Тус мессежинд хилээр хяналтгүй нэвтэрсэн барааг хэнд хэрхэн тараах болон тухайн албан тушаалтанг АТГ-аас шалгасан хийгээд хилээр хяналтгүй нэвтрүүлэхийг даалгасан эзнийх нь талаар тэдэнд мэдэгдэхгүй байхыг бичжээ. С.Одонтуяа гишүүний ийм утга бүхий мессеж цахим сүлжээнд ил болоод байна. Мэдээж түүнийх мөн эсэхийг хуулийн байгууллага шалгаж, үнэн гэдгийг нь тогтоовол шүү дээ. Хэрэв гишүүний төрийн албан тушаалтантай харилцсан мессеж мөн гэдэг нь тогтоогдвол Ерөнхий сайдын хэлдэг вакцины татан авалтад нөлөөлдг гэдэг нь ч мөн үнэн болж таарах нь.

Б.Лхам