Ардчилсан нам хоёр хуваагдаж, өдгөө Ерөнхийлөгчийн сонгуульд нэр дэвшигчээ Сонгуулийн ерөнхий хороонд бүртгүүлж чадахгүй дээрээ тулаад буй. С.Эрдэнийн гэх Ардчилсан намд намын лидерүүдээс Э.Бат-Үүл, Р.Амаржаргал, Ц.Оюунгэрэл нарын эрхмүүд багтдаг. Харин О.Цогтгэрэлийн Ардчилсан намд УИХ дахь Ардчилсан намын бүлгийн гишүүд бүгд хамаарагдаж буй.
Тэд С.Эрдэнийн Ардчилсан намыг МАН-д үйлчилдэг, МАН-ын заавартай Ардчилсан нам гэх. Тиймээс ч Э.Бат-Үүл нарыг өнгөрсөн амралтын өдөр Төв талбай дээр өлсгөлөн зарлаж буй гишүүдтэй уулзуулахгүй, талбай руу нэвтрүүлэхгүй хэмээн намын гишүүд нь тэмцэж, эцэстээ тэд хөөгдөөд гарсан байдаг.
Тэгвэл өчигдөр ЗГХЭГ-ын дарга Ц.Нямдорж Э.Бат-Үүлийг шалгах ёстой гэх агуулга бүхий зүйлийг мэдэгдсэн нь өдгөө олны анхаарлыг татаж байна.
Дээрх үйл явдлуудтай холбоотойгоор Социологич, системийн шинжээч Д.Ганхуяг үзэл бодлоо илэрхийлжээ. Тэрбээр "Э.Бат-Үүл нь МАН-ыг хамгаалаад зодуулж нүдүүлж байдаг, нөгөө МАН нь С.Зоригийн аллагын захиалагч гэж зарлаад байдаг. Тавилан юм даа..." хэмээн цахим хуудаснаа бичжээ.
Өмнө нь тэрбээр мөн "Э.Бат-Үүл: "Ерөнхийлөгч уурлахаараа нам тараадаг бол Ардчилал устаж байгаа нь тэр..." 2021.04.19. Ингээд л МАН-ыг үхэн хатан хамгаалаад байхаар чинь АН-ынхан уурлаж л таараа..." хэмээн бичиж байсан юм.
Б.Баатар
Сэтгэгдэл (13)