АН-ын бүлгийн дарга Д.Ганбат Төв талбайд мэдээлэл хийлээ. Тэрбээр "АН-ын бүлэг өдөр болгон талбай дээр хуралдаж байна.

Өчигдөр буюу тавдугаар сарын 10-ны өдөр УИХ-ын дарга Г.Занданшатарт улс төрийн нөхцөл байдалтай холбогдуулан зарим хууль тогтоомжийн биелэлтийг хянан шалгах, санал дүгнэлт боловсруулах үүрэгтэй намуудын төлөөллийг оролцуулсан ажлын хэсэг байгуулах хүсэлт өгсөн. 

Хүсэлтийн дагуу УИХ дахь намын бүлгүүдээс төлөөлөл оруулж, Ц.Мөнх-Оргилоор ахлуулсан ажлын хэсэг байгуулсан. Одоо УИХ-ын дарга, олонхын бүлгийн даргатай уулзана. Бид ерөөсөө л нэг нам, нэг хүний дарангуйллыг эсэргүүцэж байгаа гэв. 

Мөн хоёр талаасаа хамтарсан ажлын хэсэг байгуулсан учраас өлсгөлөнгөө зогсоох талаар ярилцаж байна. Гэхдээ яг одоо зогсооно гэсэн шийдвэр гараагүй. Ажлын хэсэг ярилцаж байна” гэлээ.

 У.Тэргэл