Ерөнхий сайд Л.Оюун-Эрдэнийн тэргүүлсэн Засгийн газар 100 хоногтойгоо залгаж, танхимынх нь сайд нар хийсэн ажлаа тайлагнав. Тухайлбал, Гадаад харилцааны яам 100 хоногийн дотор хэд хэдэн томоохон ажлыг хийж гүйцэтгэсэн талаараа Б.Батцэцэг сайд мэдээлэв.

Тэрбээр “Засгийн газрын тавьсан үндсэн дөрвөн зорилтын хүрээнд коронавирусний эсрэг вакциныг татан авах ажилд Гадаад харилцааны яам голлох үүрэгтэй оролцов.

“Ковакс” хөтөлбөр болон хүмүүнлэг, арилжааны шугамаар “Синофарм” үйлдвэрийн 3,6 сая, “АстраЗенека” компанийн 64,8 мянга, Файзерын 25,7 мянга гээд нийт 3,6 сая тун вакцины нөөцийг бүрдүүлж, ажиллалаа. Цаашдаа 5,6 сая тун вакцин татан авахаар гэрээ хэлцлээ амжилттай хийгээд байна.

Мөн хилийн чанадаас иргэдээ татан авах ажлыг эрчимжүүлэх зорилгоор тусгай үүргийн нислэгийн тоог нэмэгдүүлж, яаралтай нутаг буцах хүсэлтэй нийт 34,053 иргэнийг татаж авсан. Энэ хугацаанд 166 удаагийн нислэгээр 27,266, Монгол, Хятадын хилийн боомтоор 4297, Монгол, Оросын хилээр 2490 иргэнийг эх орондоо авчирсан байна” гэжээ.

У.Тэргэл