Монголын нам бус иргэдийн нэгдсэн холбооноос МАН-ын нэр дэвшигчийг эгүүлэн татах хүсэлтийг Сонгуулийн ерөнхий хороонд хүргүүллээ.

Монголын нам бус иргэдийн нэгдсэн холбооны ерөнхий нарийн бичгийн дарга А.Эрдэнэбаяр “Ерөнхийлөгчийн сонгуулийн тухай хульд нэмэлт, өөрчлөлтийг хууль зөрчин байж яаралтайгаар өөрчлөлт хийсэн нь өөрөө Үндсэн хууль зөрчсөн асуудал. Үндсэн хуулийн цэц бол Үндсэн хуулийг хамгаалах ёстой. Гэтэл тэр үүргээ биелүүлэхгүй байгаа нь Монгол Улсад хууль үйлчилж байгаа эсэхийг харуулж байгаа илэрхийлэл болж байна.

2021 оны Ерөнхийлөгчийн сонгуульд МАН-аас нэр дэвшигч У.Хүрэлсүх нь Үндсэн хуулийн 30.2-д заасан Ерөнхийлөгчид 50 нас хүрсэн, сүүлийн таван жил эх орондоо байнга оршин суусан, Монгол Улсын иргэнийг зургаан жилээр зөвхөн нэг удаа сонгоно” гэсний сүүлийн таваас доошгүй жил эх орондоо байнга орши сууна гэдгийг зөрчсөн байна.

Учир нь У.Хүрэлсүх нь 2014 оноос 2016 оны долоодугаар сар хүртэл хугацаанд Монгол Улсад байгаагүй байх нөхцөл байдал үүссэн байнaа.

Гэтэл Үндсэн хуулийн цэцээс 2021 оны 02 дугаар тоот дүгнэлтээр У.Хүрэлсүхэд давуу байдал олгож, сүүлийн таваас доошгүй жил эх орондоо байнга оршин суусан гэх заалтыг нэр бүхий этгээдүүдээс мэдээлэл гаргуулан түүнийг хянахаар түдгэлзүүлэн зохиомол байдал бий болгосон. Дээрх заалтыг түр хугацаагаар түдгэлзүүлж, Үндсэн хуулийг үнэгүйдүүлсэн гэж үзэж байна.

УИХ Үндсэн хуулийн дүгнэлтийг зөвшөөрсөн нь намын даргын үүргийг биелүүлсэн гэж харагдаж байна. Энд ганцхан У.Хүрэлсүхийг яриагүй. Монгол Улсад хууль үйлчилж байгаа эсэхэд асуудалд хандаж байна. Иймд Ерөнхийлөгчийн сонгуулийн тухай хуулийн 29.1.2-д заасныг үндэслэн нэр дэвшигчээр бүртгэхээс татгалзаж, нийтэд зарлаж өгнө үү гэдэг хүсэлтийг хүргүүлж байна" гэлээ.

Б.Лхам