УИХ-ын өнөөдрийн ээлжит чуулганаар Гэмт хэрэг, зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Барилгын тухай хуульд нэмэлт оруулах тухай хуулийн төслийг хэлэлцэж байна.

Н.Алтанхуяг: Энэ хуулийн төсөл чинь уржигдар өгөн барьсан хуулийн төсөл. Их Хурал хуулиа барьж, уншиж судлах боломж олгооч ээ. Камерын асуудлыг дэмжиж байгаа. Одоо байгаа камерынх нь тал нь ажилладаг юм байна лээ. Гэхдээ нэг их наяд төгрөг хэрэгтэй гээд байгаа юм.

Хэрэгтэй хэрэггүй газар тавихаар үе шаттай хийвэл яасан юм.

Нөгөө талаас, Х.Нямбаатар сайдын үед бид булай юм үзэж байна. Хүний эрх, эрх чөлөөг зөрчиж байна. Орцонд байгаа камерын бичлэгийг ашиглаж олон нийтэд цацаж байгаа нь дэндсэн хэрэг. Цагдаа хүн энгэртээ бичлэг хийж явдаг нь хэдэн он бэ. Ийм завхарлаа зогсоо. Хүний эрх, эрх чөлөөг зөрчмөөргүй байна.

Х.Нямбаатар: Хувь хүний мэдээллийг хангах, Кибер аюулгүй байдлын хууль зэргийг ирэх долоо хоногоос оруулж ирнэ. Хоёрдугаарт, Б.Баасанцогтын орцны үйл явдлыг надтай холбож ярих гээд байх шиг байна. Тэр хүнтэй хувийн харилцаатай эмэгтэй орцны камерын бичлэгийг гар утсаараа бичиж олон нийтэд цацсан юм билээ. Үүнийг хуулиар хориглож, хязгаарлаж өгье. Ил болгосон тохиолдолд ямар хариуцлага хүлээлгэхийг зааж өгье гэж байгаа юм.

Б.Лхам