УИХ-ын өнөөдрийн ээлжит чуулганаар Гэмт хэрэг, зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Барилгын тухай хуульд нэмэлт оруулах тухай хуулийн төслийг хэлэлцэж байна.

Ж.Сүхбаатар: Хаврын ээлжит чуулганы УИХ-ын арга хүний эрх, ардчиллын чуулган байх ёстой гэсэн. Энэ дагуу Хүний эрхийг хамгаалагчийн эрх зүйн байдлын тухай хуулийг баталсан. Цаашид шүгэл үлээгчийн эрхийг хамгаалах хуулийн төслийг батлах шаардлагатай. Төр гэдэг оршин байгаагийн гол утга учир иргэдийн эрхийг хамгаалах явдал. Бүх юманд итгэл гэдэг асуудал байна. Гэмт хэрэг, зөрлийг бууруулахад камержуулах нь чухал нөлөөтэй.

Гэхдээ сүүлийн үе иргэдийн итгэл алдагдаж байна.

Ялангуяа цагдаагийн энгэрийн бичлэгийг ямар журмаар зохицуулж байна вэ. Ямар дүрэм журмаар аюулгүй байдлыг хангаж байгаа вэ. Бид цагдан хяналттай нийгмийн бий болгох аюул байна. иргэдийн итгэл эмзэг байгаа энэ үед шүү дээ. Хувь хүний халдашгүй байдлын тухай хууль хэрэгтэй байна. Цагдаа энгэрийн бичлэгээ зэвсэг болгож ашиглаж болохгүй. Нэг бол байнгын асаалттай, түүнийг нь хянадаг байх хэрэгтэй.

Х.Нямбаатар: Цагдаагийн албаны тухай хуулийн 60 дугаар зүйл дээр “Алба хаагч үүрэг гүйцэтгэх үедээ гав, бороохой, нулимс асгаруулагч, амьсгал боогдуулагч, гар чийдэн, дуу дүрсний бичлэгийн хэрэгсэл зэргийг ашиглах” бөгөөд тэдгээрийг хуульд заасны дагуу хэрэглэнэ гэж заасан. Алба хаагч үүрэг гүйцэтгэх үедээ байнгын камерын бичлэгийг асаана. Үүгээр гарсан зөрчлийг хянана. Өнөөдрийн байдлаар 3600 гаруй энгэрийн бичлэгийг ашиглаж байна.

Б.Лхам