“ЗГХЭГ-ын дарга Ц.Нямдоржид баярлалаа. Талархаад баршгүй. Хэлэх үг ч олдохгүй байна” Энэхүү талархлын үгийг өчигдөр цагдан хорих ангиас суллагдсан Т.Чимгээ, Б.Содномдаржаа нар хэлснийг түүний гэр бүлийнхэн дамжуулав. Үнэндээ бүхэл бүтэн зургаан жилийн сэтгэлийн зовлон, байнгын дарамт шахалт, зодуур, яргалал энэ бүхний ард эрх чөлөөтэй болно гэдэг үгээр хэлэмгүй агшин юм.
Харин Ц.Нямдорж дарга Т.Чимгээ, Б.Содномдаржаа нарыг хэлмэгдсэн гэдгийг удаа дараа хэлж, энэхүү хэргийг хойноос уйгагүй явсан. Тэрбээр “Т.Чимгээ, Б.Содномдаржаа нарын өндөр настай хөгшчүүлд тэд хүний амь хөнөөгөөгүй гэдгийг мэдрүүлж, царайг нь харуулчихвал миний тэдний төлөө, шударга ёсны төлөө ясаа цайтал явсны хэрэг бүтнэ” хэмээж байв.
Харин түүний хувьд зорьсондоо хүрч, олон хүний сэтгэл тэнийв.
Т.Чимгээгийн ах Т.Хүрэлбат "Шүүх хурал шударга явж, дүүг минь суллалаа. Ялангуяа Ц.Нямдорж даргадаа чин сэтгэлээсээ баярлаж байна. Мөн өмөөлөгч Оюунцэцэгтээ маш их баярлалаа. Бүх баримтыг ил болгоосой гэж хүсэж байна. Дүүтэйгээ зургаан жилийн дараа нүүр тулж уулзаад үнэхээр их баярлаж байна” гэсэн юм.
У.Тэргэл
Сэтгэгдэл (33)