Өнөөдөр С.Эрдэнийн нэхэмжлэлтэй Захиргааны хэргийн Давж заалдах шатны шүүх хурал хуралдаж, анхан шатны шүүхийн шийдвэрийг хүчингүйд тооцож, хэргийг буцаасан. Энэ талаар О.Цогтгэрэл даргатай АН-ын хуульч Д.Буянжаргал мэдээлэл өглөө. 

Тэрбээр "Өнөөдөр урьдчилсан хэлэлцүүлгээр тамганы актын биелэлтийг түдгэлзүүлсэн байсныг хүчингүй болголоо. С.Эрдэнэ гэдэг хүн өнөөдрийг хүртэл хүчингүй тамгаар үйл ажиллагаа явуулж байсныг харуулж байна. Үүнээс хойш хэрэг хянан шийдвэрлэх ажиллагаа түдгэлзсэн байсан нь сэргээгдэж байна. 

Өнөөдрийн хурлаар эцсийн шийдвэр гарлаа гэсэн үг биш юм. 

Өмнө нь урьдчилсан хэлэлцүүлгийн захирамж гарсан байсан. Анхан шатны шүүхийн хэрэг хянан шийдвэрлэх ажиллагааг одоо явагдана гэсэн үг юм. Тиймээс С.Эрдэнэ хүчингүй тамга ашиглаж Сонгуулийн ерөнхий хороонд хүргүүлсэн. Үүнийг нь Сонгуулийн ерөнхий хороо хууль бусаар бүртгэж авсан" гэлээ. 

А.Сүх