М.Тулгатыг дэмжигч АН-аас цаг үеийн асуудлаар мэдээлэл хийлээ.

Мэдээллийн эхэнд хуульч Ч.Өнөрбаяр “2020 оны УИХ-ын сонгуулиар бие дааж нэр дэвшсэн хүн аль нэг намд элсэхийг хориглосон. Бүлгээсээ гарахыг нь мөн адил хаасан. Тиймээс хууль зүйн хувьд АН 11 гишүүнтэй хэвээр байгаа.

Бид М.Тулгатыг намын даргаар бүртгүүлэхээр үндэслэлүүдээ хүргүүлсэн.

Өмнө нь хоёр хүн бүртгүүлэхээр материал хүргүүлсэн байсныг Улсын Дээд шүүх буцаасан. Одоо зөвхөн манайхаас очсон материал байгаа. Тамганы асуудал шүүхээр эцэслэгдээд шийдвэрлэгдлээ. Тиймээс М.Тулгат даргыг бүртгүүлэхэд ямар нэгэн асуудал байхгүй. Шүүхийн шийдвэрийг хэн нэгэн дураар тайлбарладаггүй. Өөрөөр хэлбэл, С.Эрдэнэ даргад байж байгаад М.Тулгат даргад очсон тамгыг түдгэлзүүлсэн нь хуулийн холбогдох заалтуудыг ноцтой зөрчсөн гэж дүгнэсэн” гэлээ.

А.Сүх