Засгийн газрын өргөтгөсөн хуралдаанаар нийслэлд тулгамдаж буй асуудлыг хэлэлцэж байна.

Энэ үеэр Батлан хамгаалахын сайд Г.Сайханбаяр “Нийслэл хүн амын ихээхэн төвлөрөл үүссэн газар. Тиймээс Батлан хамгаалах бодлого хуультай нийцэх талаасаа эхнээсээ алдагдаж ирсэн юм байна лээ. Ялангуяа дэд бүтэц Батлан хамгаалахын эрх ашигт тухайлбал, замын даац, өргөн, гарах орох суваг, хоолойнууд нийцсэн байх ёстой. Дэд бүтийн тэлэлт хийх, зам гүүр, бусад байгууламжийг хийхдэ энэ асуудлыг ав үзэх ёстой.

Хоёрдугаарт, Нийслэлийн эрх зүйн байдлын тухай хууль дээр саналаа өгсөн. Ингэхдээ иргэдийн эрх зүйг зохицуулах асуудлаар тусгасан зүйл юу байна вэ.

Нийсэлийн үндсэн иргэддээ ямар давуу тал бий болгох вэ. Нөгөө талаас шилжин ирж байгаа иргэдэд ямар шалгуур тавих, татвар эсвэл нэг удаагийн төлбөр ногдуулах уу гэдгийг авч үзэх ёстой гэж онцлоод уг асуудлыг тусгах боломж”-ийн талаар асуусан юм.

Дээрх асуудлаар Ерөнхий сайд Л.Оюун-Эрдэнэ “Хөдөө чиглэвэл хөнгөлттэй байя гэж байгаа. Харин татвартай холбоотой ямар нэгэн асуудал байж болохгүй гэдэг талаар ажлын хэсэгтэй тохирсон. Өөрөөр хэлбэл, хөдөө рүү урсгал гарах тусам дэмжлэгтэй байя. Хэрэв дөнгөж сургууль төгссөн иргэн хөдөө очиж ажиллавал ажилласан жилийг нь илүү тооцох, хөдөөгийн нэмэгдэл өгөх, татварын талаас дэмжлэг үзүүлэх зэргээр зохицуулалт хийж байгаа” гэлээ.

Б.Лхам