Монгол суу ухааны Манукол академиас өнгөрсөн бямба гарагийн  22-нд тэнгэрийн тахилга хийлээ.

    Монгол суу ухааны Манукол академиас өнгөрсөн бямба гарагийн  22-нд тэнгэрийн тахилга хийлээ. Энэ тахилга  13 дугаар зуунаас хойш огт хийгдэж байгаагүй тахилга гэдгээрээ онцлог байсан юм. Энэ утгаараа 13 дугаар зууны ёс жаягийн дагуу боллоо. Тахилгын зорилго нь  Цагаан сүлдийг яг тэнгэрийнх нь ёсоор амилуулахад оршиж байсан юм.  Хар болон цагаан сүлдийг тэнгэрийн тахилга хийж амилуулдаг учиртай юм байна. Тэгэхдээ бүр яг хүн шиг гурван амиар давхар амилуулдаг юм байна. Тахилгыг хийснээр тэнгэрийн хүчийг татаж буулгах цагаан сүлд жинхэнэ тэнгэрийн ёсоор амиллаа гэсэн үг юм.

Энэ удаагийн тахилгаар зөвхөн цагаан сүлд амиллаа. Ирэх 12 дугаар сарын 22-нд Монгол суу ухааны Манукол академаас хар сүлдийг амилуулах ёслолыг мөн хийх юм. Аль аль нь тэнгэрийн тахилгаар амилах бөгөөд энэ  тэнгэрийн тахилга нь мөн л 13 дугаар зуунд хийгдэж байсан ёс, дэгээрээ хийгдэнэ.
Энэхүү Цагаан сүлдийг амилуулах өдрийг Мөнх тэнгэрийн тооллоор есдүгээр сарын 22 бол намрын өдөр шөнө тэнцдэг өдөр.

Энэ өдөр байгаль, эх дэлхий төдийгүй бүхий л орчлонгийн эрчим энерги цэвэршиж, ариусаж, цайж, цагаардаг байгалийн хуультай. Тиймээс намрын өдөр шөнө тэнцэх энэ өдрийг сонгож монголчууд эртнээс цагаалга буюу цагаан сарын баяраа хийж, шинэ оноо эхлүүлж, шинэ жилээ тоолдог байжээ. Жинхэнэ монгол цагаан сарын өдөр гэсэн үг. Ингэж байгалийн, дэлхийн, манай нарны аймгийн, манай галактикийн болон орчлонгийн эрчим энерги цэвэршиж, цагаардаг өдөр цагаан тэнгэрийн эрхшээл их байдаг. Иймээс энэ өдөр цагаан тэнгэрийн тахилга хийж, цагаан сүлдийг амилуулсан юм.

 Мөн тахилгын үеэр бас нэгэн сонирхолтой зүйл бол Цагаан сар тэмдэглэсэн явдал юм. Бүх хүн энэ өдөр өнгөрсөн жилийн муу муухай зүйлээ мартаж цагаан сарын ёслолыг хийсэн юм. Тахилгад оролцсон хүн бүр монгол үндэсний хувцасаараа гоёж, монгол түүхээрээ омогшиж нэгэн өдрийг өнгөрүүллээ. Мөн энэ үеэр Монгол суу ухааны Манукол академын тэргүүн З.Бат-Отгон анх удаа бөөлсөн бөгөөд тахилгыг зорин ирсэн 500 гаруй хүнд бөө мөргөл болоод тахилгын зан үйл учир холбогдлын талаар мэдээлэл өглөө. Тахилгын зан үйл өглөөний 00:05 цагаас эхэлсэн бөгөөд гурван өдрийн турш үргэлжлэх юм.