Үйлдвэрлэлийн ослоор иргэд амиа алдаж байгаатай холбогдуулан Нийслэлийн удирдлагууд зөвшөөрөлгүй баригдаж байгаа барилгын цахилгааныг хязгаарлах үүрэг өгсөн. Энэ дагуу УБ хотод зөвшөөрөлгүй барилга угсралтын ажил гүйцэтгэж байгаа 80 иргэн, аж ахуйн нэгж байгууллагыг цахилгаан эрчим хүчээр хязгаарлах тухай ажлын явц, тайланг өнөөдөр УБЦТС ХК-аас өнөөдөр сэтгүүлчдэд мэдээллээ.
    
    УБЦТС ХК-нд ирүүлсэн Нийслэлийн Засаг даргын 2012 оны А/557 дугаар захирамж,  Нийслэлийн Мэргэжлийн хяналтын газрын 2012 оны 02-01/1812 тоот албан бичгийг дагуу “Барилгын тухай хууль”-ийн 16 дугаар зүйлийн 16.6 хэсэг “Барилга угсралтын ажлыг эрх бүхий байгууллагын зөвшөөрөлгүй эхлэх, үргэлжлүүлэхийг хориглоно.” заалтыг зөрчиж тус газраас “Барилга угсралтын ажил эхлэх үргэлжлүүлэх зөвшөөрөл” авалгүй барилга угсралтын ажил гүйцэтгэж байгаа 80 иргэн, аж ахуйн нэгж байгууллагын барилга угсралтын ажлын цахилгаан эрчим хүчээр хязгаарлах ажлыг мэргэжлийн байцаагч инженерүүд шуурхай зохион байгуулж ажиллажээ.
Өнөөдрийн байдлаар тус компанийн зүгээс харьяа Хэрэглэгчдэд үйлчлэх төвүүдээрээ дамжуулан цахилгаан эрчим хүчээр хязгаарлагдсан доорх барилгуудад өдөр тутам хяналт тавин ажиллаж байгаа бөгөөд цахилгаан сүлжээнд эргэж залгагдсан зөрчил илрээгүй. Хэрвээ дур мэдэн залгасан тохиолдол гаргавал хуулийн дагуу зохих арга хэмжээг авч ажиллах болно гэлээ.