АНУ-ын Висконсин хотын 13 настай хоёр хүү элэнц эмээгээ аймшигтайгаар хөнөөсөн хэрэг гарчээ. Тэд пицца авч идэхийн тулд 78 настай эмээгийнхээ мөнгийг дээрэмдэж, сүх, балтыг нэг нэгээрээ барин эмээгээ зодож алсан байна.

АНУ-ын Висконсин хотын 13 настай хоёр хүү элэнц эмээгээ аймшигтайгаар хөнөөсөн хэрэг гарчээ. Тэд пицца авч идэхийн тулд 78 настай эмээгийнхээ мөнгийг дээрэмдэж, сүх, балтыг нэг нэгээрээ барин эмээгээ зодож алсан байна.

Антонио Барбеу, Натан Паапе нэрт гэмтнүүдийг өнгөрсөн баасан гаригт 78 настай эмэг эх Барбара Олсоныг хөнөөсөн хэргээр шүүгдэж байна.

Цэвдэг сэтгэлтэй хөвгүүд энэ сарын 17-ны өдөр мөнгө олохоор эмэг эхийнхрүүгээ явжээ. Мэдүүлгээс үзвэл Антонио Барбеу эмэг эхээ хөнөөхийг санал болгож замдаа сүх, балтаар зэвсэглэсэн байна. Тэд зэвсгээ хувцсандаа нууж явжээ. Тэднийг эмэг эхийнхээ гэрт ороход талийгаач Барбара Олсон эцэг эх рүү нь залгахыг завдсан байна. Энэ даруйд Барбара Олсоны толгойн тус газар балтаар цохиж, нурууруу нь сүхэдсэн байжээ.

Цогцсын задлан шинжилгээний ажилтан “Эмэгтэй эхний цохилтоор унасан байсан. Гэвч эргэж харж харгис үйлдлийг зогсоохын хичээсэн нь бие дэх шарх, гэмтлүүдээс нь харагдсан” хэмээн ярьжээ.

Харгис этгээдүүд хэргээ нуун далдлахыг оролдон эмээгийнхээ цогцсыг гарашруу чирсэн боловч төлөвлөгөөнөөсөө няцсан нь мөрдлөгийн үед илэрсэн байна.

Эмэг эхээ хөнөөсний дараа алуурчид цүнх, үнэт эдлэлийг нь тоносон байна. Мөн машиныг нь хулгайлаад пиццаны рестарон луу очсон нь амын камерт бичигдсэн байжээ.

Талийгаач Барбара Олсоны цогцос өнгөрсөн лхагва гаригт олдсон байна.
Висконсин хотын иргэд зэрлэг хөвгүүдэд хүнд ял оноохыг хүсэн жагсаал хийжээ. Шүүх хурал үргэлжилж байна.