Монгол Улсын Ерөнхийлөгч Х.Баттулгын бүрэн эрхийн хугацаа удахгүй дуусгавар болно. Түүнийг өнгөрсөн хугацаанд улс эх орон, ард түмэндээ юу хийж, бүтээв, ямар сэтгэлээр ажиллав гэдгийг өнөө биш ч цаг хугацаа удахгүй шүүнэ.

Тэрбээр хууль шүүхийн байгууллагад тэр дундаа прокурор, Цэц, цагдаа, ЗХЖШ зэрэг олон байгууллагад “гүйн” очиж намба алдаж, шүүмжлэлд өртөж байсан нь эргээд түүнийг ноцох шалтгаан болсон. Мөн иргэдийг үймээн самуунд турхирлаа,  намаа хагаллаа гэх олон бурууг түүнд тохсон.

Хамгийн гол нь, Төрийн тэргүүн маань олны талархлыг хүлээсэн нэгэн буянтай үйлийг бүрэн эрхийнхээ хугацаанд хийсэн нь түүхэнд үлдэж, олон хүний сэтгэлийг хөдөлгөж, магнайг тэнийлгэсэн явдал байлаа.

Энэ нь Төрийн тэргүүн маань төрдөө үнэлүүлж, үнсүүлж чадаагүй, амжаагүй олон хүний хөдөлмөрийг үнэлсэн явдал юм. Ядаж л Эрүүл мэндийн салбарт гавьяат сувилагч ганцхан байх вэ. Амьддаа бие биеэ хайрлая гэдэг.

Тиймээс салбартаа нөр их хөдөлмөр, амьдралаа зориулсан ч төрийн дэмжлэггүй гундуухан явсан олон эрхэмд төрийн зохих цол, хэргэм, цол, шагналыг нь олгосон. Олон хүүхэд төрүүлж, өсгөсөн эхчүүдэд “Эхийн алдар” хэмээн чин шударгаар олдог алдрыг нийслэл, орон нутагт өөрийн биеэр очин энгэрт нь зүүж өгөв.

Төрийн тэргүүний энэ мэт  шийдвэр олонд нэртэй ч хатуу дарсанд орж гундаж явсан нэгнийг сайхан амьдрал руу хөтөлж, залуу гэр бүлийг өнөр болоход нөлөөлж, чадлаараа зүтгэсэн нэгэнд урам хайрлаж байна гэж бодохоор сайхан. Төрдөө үнэнчээр  цаг наргүй зүтгэж, олны хайр хүндэтгэлийг хүлээсэн олон хүн Төрийн тэргүүний энэхүү хишгийг хүртэж, төрдөө үнэлүүлж, үр хүүхдэдээ баялаг түүхийг үлдээх нь хамгаас  чухал юм.  

У.Тэргэл