Монгол Улсын Ерөнхийлөгч Х.Баттулга өнгөрсөн сарын сүүлчээс эхлэн салбартаа манлай болсон гэх хүмүүсийг тодорхойлж одонгоор шагнаж байна. Ерөнхийлөгчийн шагнал өнөөдөр уяачдын цолоор үргэлжилж байна. Түүнийг үе үеийн Ерөнхийлөгчидтэй харьцуулбал хамгийн их одон медаль тарааж, шагналыг хавтгайруулж байна нь гэж дүгнэх хүмүүс олон бөгөөд төрийн хайр энэрэл гэхээс илүү Ерөнхийлөгч Х.Баттулга гэдэг хүний энэрэл мэт ойлгогдож байгааг хэлэх нь зүйтэй.

Ер нь “Буцаж буй бэрд үнээ, тугал нийлэх хамаагүй” л юм байна.

Өнөөдөр цар тахалтай дэлхий нийт нүүр тулж, эрвийх дэрвийхээрээ л тэмцэж байна. Зарим улсад байдал хэрхэн хүндэрч буйг бүгд харж бас сонсож байгаа. Гэтэл юун сар гаруйгийн хөл хорио Ерөнхийлөгчийн “одон”-гийн хур, дээр нь удаах сонгуулийн сурталчилгаа зэргээр өмнө авсан арга хэмжээ ямар ч үр дүнгүй болж байна. Уг нь Монголчууд бүсээ чангалж, эдийн засгаа унагаан байж сар гэртээ хоригдсон юмсан. Гэвч эрхэм Ерөнхийлөгчид маань иргэдийн хичээл зүтгэл, бэрхшээл огтоосоо ч хамаагүй аж. 

Коронавируст цар тахал 7000 хүнээс 1000 гаруй тохиолдлоороо илэрдэг боллоо. Энэ янзаараа явбал цаашид ч өсөх хандлагатай байгааг Эрүүл мэндийн яамнаас хэлсэн. Гэтэл өдөрт хэдэн зуугаар нь шагнал хүртээж, талбай дээр юун хүн хоорондын зай барих масктай, маскгүй тэврэлдсэн л хүмүүс. Нэг хүн шагнал авахад түүнийг дагалдаад 10 хүн явж байна. Бүр нялх үрээ тэврээд баяр хүргэнэ гээд явж байгаа хүмүүс олон байна. Тэдний хэд нь халдвар тээж буй бол. Ерөнхийлөгч Х.Баттулга бүрэн эрхээ өгтлөө л шагнал тарааж, олныг цуглуулах бололтой. Шагналыг ингэж хавтгайруулж байхыг нь бодоход “Буцаж байгаа Ерөнхийлөгчид ковид гамшиг болох нь огтхон ч хамаагүй” бололтой.

А.Сүх