МҮОХ-ны Ерөнхийлөгч Н.Түвшинбаяр багын найзаа хэвтэрт ортол зодон, бас холбооныхоо тамгыг авч зугтсан гээд түүнтэй холбоотой дуулиан тасрахгүй байгаа. Ард түмний хайранд бөмбөрч байсан тэрбээр жинхэнэ зангаа таниуллаа. Найз нь үхэлтэй тэмцэлдэж байхад, Н.Түвшинбаяр тамгатайгаа зууралдсаар гэсэн шүүмжлэл ч нийгэмд өрнөөд байгаа билээ.

Харин Н.Түвшинбаярын хувьд МҮОХ-ны Ерөнхийлөгчийн албан тушаалаасаа салах тун ч дургүй байгаагаа тамга, тэмдгээ авч зугтсанаараа харуулсан. Тэрбээр мөн Олон улсын Олимпын хороонд албан тушаалаа үргэлжлүүлэн хаших хүсэлтэй байгаагаа илэрхийлсэн захидал бичсэн тухай мэдээлэл гарсан юм. Тэгвэл уг захидал ил боллоо. Тэрбээр захидалдаа “

"ОУОХ-ны дарга Жером Пойви танаа,

Юуны түрүүнд надтай холбоотой болсон үйл явдлын өнөөгийн нөхцөл байдалтай холбогдуулан Олон улсын олимпийн хорооны эрхэм гишүүдийн хүлцэнгүй байдалд талархал илэрхийлье.

Энэхүү гунигт үйл явдлын үр дүнд миний албан үүрэг, хариуцлагын гүйцэтгэл тасалдаж байгаад гүнээ харамсаж буйгаа мэдэгдмээр байна. Энэ асуудлыг шүүхээр шийдвэрлэх хүртэл би өөрийн үүргээ үргэлжлүүлэн хариуцлагатайгаар гүйцэтгэж, 2020 оны Токиогийн олимпод амжилт гаргах тал дээр анхаарлаа хандуулах болно гэдгээ та бүхэнд мэдэгдэж байна.

ОУОХ-нд үргэлжлэн ажиллах эрхийг надад олговол миний бие гүнээ талархах болно. Та бүхнээс эерэг хариулт ирэхийг бид тэсэн ядан хүлээж байна.

Хүндэтгэсэн Найдангийн Түвшинбаяр" гэжээ.

У.Тэргэл