Монгол Улсын Ерөнхийлөгчийн сонгуульд МАН-аас нэр дэвшигч У.Хүрэлсүх өглөө 07.40 цагт  48 дугаар сургууль дээр очиж охидын хамт очиж саналаа өглөө. Тэрбээр саналаа өгснийхөө дараа "Монгол Улсын Ерөнхийлөгчийн найм дахь удаагийн сонгуулийн санал хураалт эхэллээ. Энэ жил Ардын хувьсгалын 100 жилийн ой, Монгол Улсад төрт ёс үүсэн байгуулагдсаны түүх 2230 ой, НҮБ-д гишүүнээр элссэний 60 жилийн ой гээд Монгол Улсын түүхэнд онцлогтой жил болж байгаа. Энэ сайхан жил Монгол Улсын Төрийн тэргүүний сонгууль давхар явж байгаа нь билэг дэмбэрэлтэй сайхан үйл явдал болж байна. Монгол хүн бол Монгол Улсын баялаг. Бидэнд олон баялаг бий. Байгалийн баялаг байна. Монголын ард түмэн өөрсдөө бас баялаг. Энэ ард түмний оюун санаа нь асар том баялаг. Монгол Улсын үүх түүх, соёл, бичиг үсэг гээд олон баялгийн эзэн болсон монголчууд байх ёстой гэж боддог.

Надтай хамт нэр дэвшсэн АН-аас нэр дэвшигч С.Эрдэнэ, "Зөв хүн-Электорат" эвслээс нэр дэвшигч Д.Энхбат нартаа сонгуульд нь амжилт хүсье. Үндэснийхээ дээлээр гоёж саналаа өгдөг ард түмэндээ амжилт хүсье. Сонгуульдаа идэвхтэй оролцоорой" гэлээ. 

У.Тэргэл