Ерөнхийлөгчийн сонгууль дууссаж, төрийн “төмөр нүүр” эхэллээ. Тодруулбал, өнгөрсөн баасан гарагт Сангийн сайд Б.Жавхлан ирэх долоодугаар сарын 1-ээс эхлэн цахилгаан, дулаан, ус, хогны төлбөр болон бусад халамжийн нэмэгдлийг зогсоох тухай мэдэгдсэн. Энд мөн хүүхдийн мөнгө хамаарах юм. 
Дэлхий нийтээрээ цар тахалтай тулаад жил гаруйн хугацааг үдлээ. Монголын эдийн засаг гэлтгүй дэлхийн бүхий л улсын эдийн засаг хямарч байна. Дээр нь олон сараар хөл хорио тогтоосон тул иргэдийн орлого саарч, өдрийг хоолтой хоолгүй хүндхэн өнгөрөөж буй өрх зөндөө бий.

Гэтэл сонгууль дууслаа гэсэн шиг төр “төмөр нүүр”-ээ харуулж эхэллээ.

Уг нь Ерөнхий сайд Л.Оюун-Эрдэнэ цар тахлын нөхцөл байдал цаашид ч үргэлжлэх төлөвтэй байгаа учраас иргэддээ үзүүлж буй тусламж, дэмжлэгийг он дуустал үргэлжлүүлэх талаар судалж байгаа талаараа мэдээлж байсан. Түүний энэ мэдэгдлийг олон хүн талархаж хүлээж авсан гэхэд хилсдэхгүй. Иргэдийн амьдрал хүнд байгаа энэ үед дэмжлэгээ зогсоох юм гэнэ. Хэчнээн тэрбумаар нь “сонгуульдаж”, сурталчилгаа хийх нэрээр орон нутгаар халдвар тарааж явчихаад нөхцөл байдал хүндрээд ирэх үеэр ийм шийдвэр гаргаж байгаа нь харамсалтай. Сонгууль дууссан учраас иргэдийн амьдрал МАН-д “пад”-гүй болсон бололтой. 

А.Сүх