УИХ-ын гишүүн Ц.Мөнхцэцэг халдвар авсан тухайгаа цахим хуудсаараа дамжуулан мэдээлж, олон нийтэд хандан сэрэмжлүүлэг бичжээ.

Тэрбээр "Нэгдүгээр хавьтагч болсноо мэдээд PCR өгч Ковид эерэг гарсан, хөнгөн байсан тул гэрээр тусгаарлаж эм уугаад 6 дахь хоногтоо хүндэрч түргэнээр эмнэлэгт ирлээ. Вероселл 2 тунтай, эмнэлэгт хүн дүүрэн, өрөөндөө дөрвүүлээ байна. Улаан бүсэд байдал хүнд бна. Хөл хөдөлгөөнөө багасгаж хүн бүр болгоомжилъё.

Одоо ер нь халуурахгүй хөнгөн хэлбэрээр тусаад, хэд хоногоос хүндэрдэг хэлбэр түгээмэл байх шиг байна.

Халуурахгүй учраас хүмүүс Ковид биш гэж сэжиглэхгүй явж халдвар тараагаад байна. Би нэгдүгээр хавьтагч боллоо гэдгээ мэдэнгүүтээ шинжилгээ өгч өөрийгөө тусгаарласан.

Ханиахгүй, халуурахгүй, хоолой өвдөхгүй байж байгаад 6 дахь хоног дээрээ зүрх дэлсэж, даралт огцом нэмэгдэж 150 хүрч, гэртээ байсаар байсан бол харвалт өгөх байж. Архаг хуучгүй, даралт ихэсдэггүй байсан тулдаа эмнэлэгт амжиж ирлээ. Хоёр тун Вероселл вакцинтай байсан тулдаа гайгүй гарлаа гэж бодож байна" гэжээ.