Засгийн газрын хуралдаанаар гарсан шийдвэрийн талаар мэдээлэл хийж байна.

Сангийн сайд Б.Жавхлан энэ оны төсөвт тодотгол хийх эсэх талаар "Бид төсөвд тодотогол хийх хуультай. Төсвийн тодотгол хийх таван нөхцөл байдаг. Одоогоор тодотгол хийх эдийн засгийн зайлшгүй шаардлага нөхцөл бүрдээгүй. Гэхдээ долдугаар сараас нэгнээс үйлчлэл нь дуусаж байгаа 6-8 төрлийн эдийн засгийн арга хэмжээ буюу коронавирусний цар тахлын үед эдийн засгаа хэмжих, хүүхдийн мөнгө, дулаан цахилгаан, хог усны төлбөр зэрэг халамжийн чиглэлийн арга хэмжээнүүдэд өөрчлөлт оруулна. Алийг нь цааш үргэлжлүүлэх, алийг нь зогсоох эсэхээс хамаарч, төсөвт тодотгол хийхээ шийднэ.

Түүнээс төсвийн орлого цөмрөөд зарлага нэмэгдсэнээс тодотгол хийх гээд байгаа зүйл байхгүй. Эрүүл мэндийн салбарт одоогоор төсвийн дутагдалд орсон зүйлгүй. Эрүүл мэндийн салбарын санхүүжилтийг Сангийн яам шуурхай олгож байгаа. 

Хүүхдийн мөнгийг 100 мянган төгрөгөөр үргэлжүүлэх бол төсөвт ямар ачаалал үүсэх вэ гэдэг шийдвэрийг ойрын хугацаанд гаргана. Төсөвт дааж авч явж чадах хэмжээнд шийдвэр гаргана. Дулаан, цахилгаан, хог усны төлбөрийг төр даах үйлчлэлийг долдугаар сарын нэгнээс зогсоож, хүүхдийн мөнгөний 100 мянган төгрөгийг үргэлжлүүлэх эсэхийг дахин хэлэлцэж, удахгүй шийдвэрээ гаргана" гэв. 

Б.Баатар