Есөн сар гарсаар үйлдвэрлэлийн ослоор таван хүний амь нас эрсэдсэн. Тиймээс МҮХАҮТ-ын дэргэдэх Барилга, Дэд бүтцийн зөвлөлөөс санаачлан “Барилга - Аюулгүй ажиллагаа” сэдэвт уулзалт, зөвлөгөөнийг зохион байгуулахаар болжээ. Уулзалтад БХБЯ, МХЕГазар, ОБЕГазар, МБХ, МБҮЭ, БХҮНТөв, МБҮАссоциаци, Барилга.МН БЗМТөв хамтран оролцох юм байна. Уулзалт энэ сарын 28-нд 10.00 цагт МҮХАҮТ-ын үзэсгэлэнгийн их танхимд болно. Уулзалтын үеэр мөн “Хөдөлмөр хамгааллын хувцас, хэрэглэл” сэдэвт үзэсгэлэн гарах юм байна.
Уулзалт, зөвлөгөөнд Барилгын салбарын хөдөлмөр хамгаалал аюулгүй ажиллагааны талаар авч хэрэгжүүлж байгаа арга хэмжээний тухай барилга угсралтын ААН байгууллагуудад танилцуулж, цаашдын чиг хандлагыг тодорхойлж, тэдэнтэй санал бодлоо солилцох аж.
Б.Золбоо
