АН хоёр "толгой"-той могойн үлгэр адил болоод удаж байна. Тухайлбал, тус намд эрх мэдлийн төлөөх зөрчилдөөн хурцдаж лидерүүд нь М.Тулгат болон О.Цогтгэрэлийг дэмжигчид гэсэн хоёр талд хуваагдаад байгаа билээ.
Мөн хэнд нь байгаа тамга хүчинтэй эсэх маргаан шүүхийн шатанд явж байгаа бөгөөд Сонгуулийн ерөнхий хорооноос төрийн байгууллагуудын албан бичгүүдийг үндэслэн Ерөнхийлөгчийн сонгуулиар М.Тулгатын талд буюу С.Эрдэнэд нэр дэвших эрх өгснөөс нь үзвэл түүнд байгаа тамга хүчинтэй гэж ойлгогдоод байгаа. Гэвч М.Тулгатыг АН-ын дараагийн даргаар өргөмжилсөн нь халхавч төдий зүйл байжээ.
Тухайлбал, АН-ын даргын тушаалд "АН-ын Үндсэн дүрмийн 3 дугаар бүлгийн 3.7.1 Ардчилсан намын Үндсэн дүрмийн 3 дугаар бүлгийн 3.10.2.1, 5 дугаар бүлгийн 5.10.23.16, 5.10.23.16.1, 5.11.17, 517.4.9 дэх заалтыг тус тус үндэслэн тушаах нь:
Нэг. Баян-Өлгий аймгийн АН-ын дарга Есентай овогтой Зангарыг 2021 оны зургаадугаар 18-ны өдрөөс чөлөөлсүгэй.
Хоёр. Баян-Өлгий аймгийн АН-ын даргын үүрэг гүйцэтгэгчээр Акрехманы Ахжархынд 2021 зургаадугаар сарын 18-ны өдрөөс томилсугай.
Гурав. Монгол Улсын хууль, АН-ын Үзэл баримтлал, Үндсэн дүрэм, журмын хүрээнд үйл ажиллагаа явуулахыг Баян-Өлгий аймгийн АН-ын даргын үүрэг гүйцэтгэгч А.Ахжархынд даалгасугай.
Дөрөв. Баян-Өлгий аймгийн АН-ын даргын үүрэг гүйцэтгэгчийн ажил хүлээлцэх ажлыг зохион байгуулахыг ажлын хэсэгт үүрэг болгосугай. АН-ын дарга С.Эрдэнэ" гэжээ. Үүнээс үзвэл С.Эрдэнэ АН-ын эрх мэдлийг атгасан хэвээр байгаа бөгөөд намын Их Хурлаа хуралдуулж, М.Тулгатыг сонгосон нь халхавч төдий зүйл байжээ.
А.Сүх
Сэтгэгдэл (9)