Улаанбаатарын хот төлөвлөлт анхаанаасаа буруу хийгдсэн, зах замбараагүй, тооцоололгүй газар олголтоос болж өнөөдөр дүүргүүдэд сургууль, цэцэрлэг, төрийн зарим үйлчилгээг өргөтгөхөд газар олдохгүй байгаа талаар шүүмжлэл хөвөрдөг.

Ялангуяа хотын төв дагуу байрлал сайтай газрыг наймаалцдаг, бүр нэг хүний атганд орсон гэх. Эл асуудлыг УИХ-ын гишүүн Б.Энхбаяр батлав.

Тодруулбал, УИХ-ын Хууль зүйн байнгын хорооны өнөөдрийн хуралдаанаар Хүний хувийн мэдээлэл хамгаалах тухай хуулийн төсөл болон хамт өргөн мэдүүлсэн хуулийн төслүүд хэлэлцэх, эсэхийг хэлэлцэх үеэр тэрбээр Улаанбаатар хотын А зэрэглэлд 80 гаруй газартай авлигын том сүлжээ байгаа талаар онцолсон юм.

Түүний хэлсэн газрын том наймаачид хэн бэ. Улаанбаатар хот хууль бус газар дээр барилга байгууламж барьсан зэрэг асуудлыг цэгцэлж, газар чөлөөлөлт хийж байгаад иргэд талархаж хүлээж авч байгаа. Гэхдээ жирийн иргэд биш гишүүн Б.Энхбаярын хэлсэн шиг том гарын авлигачидтай хэрхэн тэмцэх вэ.

А.Сүх