Монгол Улсын Ерөнхий сайдын ивээл дор Дэлхийн хөлбөмбөгийн холбоо (FIFA), Монголын хөлбөмбөгийн холбоо хамтран “Хүүхэд-Хөлбөмбөг-Ирээдүй” хөтөл­бөрийг дөрвөн жилийн хугацаатайгаар 21 аймаг, нийслэлийн есөн дүүрэгт хэрэгжүүлэхээр төлөвлөсөн. Хөтөлбөрийн эхний жил бу­юу энэ онд багтааж, та­ван аймагт “Grassroots” сур­галтыг зохион байгуу­лахаар болсон юм. Хөвсгөл, Ховд, Дорнод аймагт амжилттай хэрэгжээд байгаа бөгөөд дараагийн аймаг нь баруун хязгаарын Баян-Өлгий аймаг болж байна.

Энэхүү сургалтыг Дэл­хийн хөлбөмбөгийн холбоо (FIFA)-той хамтран зохион байгуулж байгаа бөгөөд нээлтийн ажиллагаанд Дэл­хийн хөлбөмбөгийн хол­бооны сургагч багш Хорст Криет, МХБХ-ны удирдлага, Баян-Өлгий аймгийн БТСГ-ын дарга, Монгол Улсын гавьяат тамирчин О.Бахыт, тус аймаг дахь Боловсрол Соёлын газрын мэргэжилтэн Х.Замамбек нар оролцлоо.

“Grassroots” сургалт тус аймагт гурван хоног үргэлжлэх бөгөөд бүх сум, аймгийн сургуулийн 32 багш хамрагдаж байна.