Засгийн газрын өнөөдрийн ээлжит хуралдаанаар 20 орчим асуудлыг хэлэлцэн, шийдвэрлэж байна. Хуралдааны дундуур Ерөнхий сайд Л.Оюун-Эрдэнийн хэвлэлийн төлөөлөгч Ч.Болортуяа сэтгүүлчдэд мэдээлэл өглөө.

Тухайлбал, сүүлийн өдрүүдэд халдварын тохиолдол эрс нэмэгдэж, Эрдэмтдийн зөвлөл ч хөл хорио тогтоох санал гаргаад байгаа. Энэ талаар Засгийн газраас ямар нэгэн шийдвэр гарсан эсэх сэтгүүлчийн асуултад тэрбээр “ Нийслэлд хөл хорио тогтоох эсэх асуудлыг Засгийн газрын өнөөдрийн хуралдаанаар яриагүй.

УОК-оос ийм санал оруулж ирээгүй” гэв. Мөн Үндэсний их баяр наадмыг цуцлах эсвэл хойшлуулах шийдвэр гарсан эсэхэд “Энэ асуудлыг дарааллын дагуу хэлэлцэж, шийдвэрлэнэ. Баяр наадмыг товлосон хугацаанд нь цахимаар тэмдэглэх шийдвэрийг гаргах чигтэй байгаа. Засгийн газрын хуралдаанаас шийдвэр эцэслэн гарсан цагт тодорхой мэдээлэл өгье” гэв.

У.Тэргэл