Итали улс руу тээвэрлэсэн ноолуур зорьсон газартаа хүрчээ. Энэ талаар ХХААХҮ-ийн сайд З.Мэндсайхан энэ талаар өөрийн цахим хуудастаа "Одоогоос ердөө 20 хоногийн өмнө буюу энэ сарын 2-нд Улаанбаатараас Итали улс руу олон улсын чанар, стандартын шаардлага хангасан 20 тонн ноолуурыг анх удаа газраар тээвэрлэсэн чухал үйл явдал тохиосон.

Тэгвэл олон улс хоорондын ачаа тээвэр төлөвлөсөн хугацаандаа Итали улсад амжилттай хүрч, “Коломбо”, “Фалконери” компани захиалсан ноолуураа хүлээн авчээ.

“Ханбогд кашмер” компани өмнө нь Итали руу өмнөд хөршөөр дамжуулан 90-100 хоногийн хугацаанд ноолуураа экспортолж байсан бол ийнхүү газраар тээвэрлэснээр асар их цаг хугацаа хугацаа хэмнэлээ. Анхны шанг таталцсан бүх хүнд чин сэтгэлээс баяр хүргэж талархал илэрхийлье.

Италид хүрсэн 20 тонн ноолуурын 10 тонн нь стандарт шаардлагыг бүрэн хангасан, Монголын гарал үүсэлтэй, 100 хувь ноолуураар үйлдвэрлэсэн, дэлхийн стандартад нийцсэн, байгальд ээлтэй, өндөр чанартай бүтээгдэхүүн болохыг гэрчилдэг “Монголын хаан ширхэгт” тохирлын тэмдэгтэй.

Цаашид мал сүргээсээ хүртэх бодит ашиг шимийг нэмэгдүүлэх, өөрсдийн бүтээснээ дэлхийн зах зээлд нүүр бардам гаргадаг экспортлогч орон болох санаачилга болгоныг бүх талаар дэмжин ажиллана гэдгээ дахин илэрхийлье" гэжээ.