УИХ-ын чуулганы нэгдэн хуалдаанаар "Ковид-19-ын цар тахлаас урьдчилан сэргийлэх тэмцэх, нийгэм, эдийн засагт үзүүлэх, сөрөг нөлөөллийг бууруулах тухай хууль"-д нэмэлт, өөрчлөлт оруулах тухай хуулийг сунгах эсэхийг асуудлыг хэлэлцэж байна. 

УИХ-ын гишүүн С.Ганбаатар: Ерөнхий сайд ковидод ялагдчихлаа. Үүнд 4.8 их наяд төгрөг зарцуулж, салхинд хийсгэчихээд одоо бид ковидод ялагдаж, иргэд олноороо амиа алдаж байна. Даатгалын мөнгө бол шимтгэл, иргэд өөрсдийнх нь эрүүл мэнд эрсдэлд орсон үед өөрөө захиран зарцуулахаар төвлөрүүлсэн төсөв. Энэ бол татвар биш. Хэрэв энэ хууль орж ирэх юм бол ТЕГ-ын харьяа Эрүүл мэндийн татварын хэлтэс гэж байгуулаарай.  Монголын төр ниймгийн даатгалын 11 их наяд төгрөгийн өртэй. Үе үеийн Засгийн газар, төр нь даатгуулагчдын мөнгөнөөс хулгай хийдэг. Графикийн дагуу эргүүлж өгнө гэж амлаж байсан, тэр хаана байна вэ?

Хоёрдугаарт, бид УИХ-ын, Ерөнхийлөгчийн сонгууль гээд шоудчихаад одоо модоо барин татварын мөнгөө гөвчихөөд, ЭМД-ын мөнгөрүүгээ орж байна. ЭМД-ын сангаас мөнгө зарцуулах гэж байгаагаа нийт даатгуулагчдаасаа асуусан уу, бизнес эрхлэгчдээсээ асуусан уу. Хэрэв асуугаагүй бол энэ бол дээрэм.

УИХ-ын гишүүн Б.Энхбаяр: Ковидын хуулийг сунгахыг дэмжихгүй. Энэ хууль Үндсэн хууль зөрчиж байна. Төрийн албанд маш олон хүнийг томилсон. Тэр хүмүүсийн ажлыг л сунгах гэж байна. Түр томилгоотой дарга нар, Төрийн албаны шалгалт өгөхгүй томлогдсон. Засгийн газар журам гаргаж, хууль тогтоож болохгүй. Засгийн газар хууль зөрчиж, хууль тогтоох эрхийг авах гэж байна. 

Б.Баатар