Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийг хэлэлцэж байна. Хэлэлцэж буй асуудалтай холбогдуулан гишүүд асуулт асууж байна.
Д.Ганбат: УИХ маань УИХ байхаа байлаа. Хүний эрх гэдэг зүйл байхгүй болсон байна. Халвар хяналтаас гарч хүчин мөхөсдөхөд ойрхон байна. Цар тахалтай нүүр тулж буй эмч, эмнэлгийн ажилтнууд туйлдаж, хүний нөөц шавхагдаж, зарим нь халдвар авсан ч өргөсөн тангарагтаа үнэнч ажлаа үргэлжлүүлэн хийж байгаа нь хүндхэн цаг нэгэнт бий болсныг илэрхийлж байна.
Удаа дараа тогтоосон хөл хорионы улмаас олон мянган ААН хаалгаа барьж, хэдэн зуун мянган хүн ажлын байраа алдаж, хил гаальд хүндрэл үүсэж импортын бараа бүтээгдэхүүн саатсаны улмаас өргөн хэрэглээний бараа бүтээгдэхүүний үнэ нэмэгдэж иргэдийн амьдралд хүндхэн тусаж байна.
Халдварын тоо сүүлийн нэг сар огцом нэмэгдэж оношлох PCR төхөөрөмж төлбөртэй болж,иргэдэд эмнэлгийн ор олдохгүй, эмийн үнэ нэмэгдэж байгаа нь иргэдийн бухимдал бий болгож байна.
УИХ дахь АН энэ талаар удаа хэлж байсан ч эрх баригч нам “илжигний чихэнд алт хийсэн, ус хийсэн ч сэгсэрнэ” гэдгийн адилаар үл ойшоож, үгүйсгэсээр ирсэн. Японы ард түмэнд гүн талархал илэрхийлье. Файзер вакцин авах боломж нөхцөлөөр хангаж өгсөн.
Өчигдрийн New York Times-н дугаарт вакцинжуулалтаараа эхний 10 дугаарт байгаа орны нэгийг манай улсыг нэрлэсэн. Гэхдээ Хятад вакцин хийлгээд үр дүнгүй байгаа дөрвөн улсын нэгд ч мөн адил манайхыг оруулсан байна.
Тиймээс өнгөрсөн хугацаанд Засгийн газар, УОК хуулийн хэрэгжилтийг хэрхэн хангасан талаар тайлан тавьсны дараа хуулийг хэлэлцье гэж үзээд тав хоногийн завсарлага авъя.
А.Сүх
