Монгол Улсын зургаа дахь Ерөнхийлөгч Ухнаагийн Хүрэлсүхийн тангараг өргөх ёслол болж, өндөрлөлөө. Энэ үеэр УИХ-ын дарга Г.Занданшатарын хүндэтгэлийн чуулган дээрх гурван алдааг онцолж байна.
Тодруулбал, тангараг өргөх ёслолын үеэр иргэд, сонгогчдыг төлөөлж Чингис хаан одонт Ж.Гүррагчаа үг хэлсэн. Түүнийг үг хэлэхээс өмнө протокол зөрчиж, шинэ Ерөнхийлөгчийг үг хэлнэ үү гэж дуудсан. Улмаар тус үйл ажиллагааг зохион байгуулагчдаас Ж.Гүррагчаа үг хэлэхийг сануулснаар шинэ Ерөнхийлөгч хэсэг зогссоноо эргээд суусан юм.
Хоёрдугаарт, Ёслолын ажиллагааг удирдах үеэрээ УИХ-ын дарга Г.Занданшатар У.Хүрэлсүхийг индэрт гарч үг хэлэхийг урих үеэрээ хоёр Ерөнхийлөгчийн овгийг сольж, Халтмаагийн Хүрэлсүх та үг хэлнэ үү хэмээн эндүүрч, олны элэг доог боллоо.
Гуравдугаарт, шинэ Ерөнхийлөгчийг тангаргаа өргөхөөс өмнө Г.Занданшатар Ерөнхийлөгч Х.Баттулгыг тамгаа шилжүүлэн өгөхийг хүссэн нь түүний Хүндэтгэлийн чуулган дээрх гуравдахь алдаа байлаа.
Б.Лхам
Сэтгэгдэл (79)