Монгол Улсын Ерөнхийлөгч Х.Баттулга зарлиг гаргаж, нэр бүхий 13 хүнд уучлал үзүүлжээ. 

Тодруулбал, ТЕГ-ын дарга асан Б.Хурц, УИХ-ын гишүүн асан Д.Дамба-Очир нар болон анх удаа хөнгөн гэмт хэрэг үйлдсэн хүмүүс болон өрх толгойлсон эмэгтэйчүүдэд уучлал үзүүлжээ. 

Б.Хурцын хувьд С.Зоригийн амийг хороосон хэрэгт холбогдсон хүмүүсийг шалгахдаа эрүүдэн шүүсэн хэрэгт буруутгагдан шүүхээс нэг жил зургаан сарын хорих ял сонссон. Мөн Д.Дамба-Очир УИХ-ын гишүүнээр ажиллах хугацаандаа албан тушаалын байдлаа ашиглан ЖДҮХС-аас хамаарал бүхий этгээдийнхээ компанид нэн хөнгөлөлттэй зээл авч өгсөн хэргээр гурван жил зургаан сар хорих ял шийтгүүлсэн билээ. 

Харин С.Баяр, С.Баярцогт, М.Энхсайхан нар уучлал гүйгаагүй үлджээ.