Монгол Улсын зургаа дахь Ерөнхийлөгч У.Хүрэлсүхийн тангараг өргөх ёслол өнөөдөр Төрийн ордонд болсон. Хүндэтгэлийн "Их монгол" танхимд болсон ёслолын ажиллагаанд УИХ-ын гишүүд, Засгийн газрын гишүүд, Монгол Улсад суух онц бөгөөд бүрэн эрхэт элчин сайдууд, урлаг соёлын төлөөлөл гээд  салбар, салбарын төлөөлөл оролцсон билээ. Харин энэхүү ёслолын ажиллагаанд оролцсон "Vandebo" хамтлагийн гишүүн Б.Эрдэнэболд буюу Эбо цахилгаан тамхи татсан нь олны шүүмжлэлд өртөөд буй.

Үүнтэй зэрэгцэн түүний хажууд сууж байсан Шилэн Цогоо буюу Б.Цогтгэрэлийг "Тамхи татаж байгаа нэгнийг харсан байж хэлж, ойлгуулсангүй" гэх шүүмжлэл давхар хөвөрч байна. Тэгвэл энэ талаар Б.Цогтгэрэл "Уучлаарай миний баруун талд суусан залууг анзаарсангүй ээ. Их авьяаслаг залуучууд бөгөөд өнөөдрийн үйлдлийг нь залуу хүний алдаа гэж бодож байна. Түүнийг нэг удаа өршөө. Цаашид анхаарах буйзаа. "Vandebo" хэмээн цахим хуудаснаа бичжээ. 

Б.Баатар