Улс эх орныхоо эсрэг ажиллан, вакцины татан авалтад санаатайгаар саад учруулсан хэрэгт унаад байгаа УИХ-ын гишүүн С.Одонтуяаг гэр бүлийн хүнийх нь хамт цагдаагийн байгууллагаас шалгаж эхлээд буй. Энэ талаарх мэдээллийг Ерөнхий сайд нийтэд цацсан юм. Харин энэ нь худал, ташаа мэдээлэл. Тиймээс нэр төрөө сэргээлгэхээр хуулийн байгууллагад хандаж байна гэдгээ ч С.Одонтуяа гишүүн сөргүүлэн мэдэгдсэн.

Харин түүнтэй холбоотой дахин нэг дуулиан дэгджээ. Тодруулбал, АТГ-аас Хотын гаалийн орлогч дарга Ц-ын хууль бус үйлдлийг газар дээр нь илрүүлэхэд тэрбээр С.Одонтуяа гишүүний мессежийг гаргаж өгч, өөрийгөө аврахын тулд өрөөлийг бариад өгчихжээ. Тодруулбал, эрхэм гишүүн “Арвижих хоршоо” компанийн оруулж ирсэн бараа бүтээгдэхүүнийг хуучин хувцас нэрийдлээр гаалийн бүрдүүлэлт хийж, татвараас чөлөөлж оруулж ирэхийг үүрэгдсэн гэх. Хотын гаалийн орлогч дарга ч гишүүний үүрэгдсэний дагуу доод албан тушаалтнууддаа чиглэл, заавар өгч, энэ нь хуулийнхны нүднээс мултарсангүй учир эл хэргийг өдгөө АТГ давхар шалгаж байгаа гэх мэдээлэл явж буй.

Харин С.Оюунтуяа гишүүний хуулиас давсан дураараа авирлалт түүнийг огцруулах шалтгаан нөхцөл болж, эгүүлэн татах асуудлыг хөндөж болзошгүйг эх сурвалжууд мэдээлээд эхэллээ.

У.Тэргэл