Ерөнхийлөгчийн тангараг өргөх ёслолд оролцсон МАН-ын гишүүдээс эхнээсээ коронавирусний халдвар илрээд эхэллээ. Тодруулбал, Эрүүл мэндийн сайд асан Д.Сарангэрэл болон ОБЕГ-ын Тэргүүн дэд дарга, Бригадын генерал Г.Ариунбуян нар коронавирусний халдвар авчээ.

Мөн өчигдөр Шадар сайд С.Амарсайхан, Сангийн сайд Б.Жавхлан нар халдвар авсан талаар мэдээлж байсан.

Ултөрчид нэгэн зэрэг коронавирусний халдвараар өвчилж байгааг Ерөнхийлөгчийн тангараг өргөх ёслолтой холбон үзэж болох юм. Учир нь тангараг өргөх ёслолын дараа Их тэнгэрийн аманд Хүндэтгэлийн хүлээн авалт болсон сураг бий. Мэдээж тангараг өргөхөд оролцсон эрхмүүд дийлэнх нь хүлээн авалтад оролцсон байж таарна. Хүлээн авалтаар цайлна, хундага тулгана гээд масктай байх хүн байхгүй л болов уу. 

Юутай ч тангаргийн ёслол, хүндэтгэлийн хүлээн авалтад оролцсон зочдын дийлэнх нь халдвараар өвчилсөн байж болзошгүй байна.

А.Сүх