Засгийн газрын хуралдаанаар дараахь хүмүүсийг Элчин сайдаар томилуулах саналыг хэлэлцэн дэмжиж, Монгол Улсын Ерөнхийлөгчид өргөн мэдүүлэхээр тогтлоо. Томилгоог УИХ-ын чуулганы нэгдсэн хуралдаанаар хэлэлцэж, Ерөнхийлөгч зарлиг гарснаар албажих юм. Нэр дэвшигчдийн 72 хувь нь дипломат албаны, 28 хувь нь улс төр болон бусад салбарынх юм. Үүнд:

1. Австралийн Холбооны улс- Д.Даваасүрэн /Гадаад харилцааны яамны Төрийн нарийн бичгийн дарга асан/

2. Бүгд Найрамдах Австри улс - М.Цэнгэг /Гадаад харилцааны яамны Европын газрын захирал/

3. ОХУ - Ө.Энхтүвшин /Шадар сайд асан/

4. Бүгд Найрамдах Беларусь улс -Б.Баярсайхан /Гадаад харилцааны яамны Хяналт үнэлгээ, дотоод аудитын газрын дарга/

5. Бельгийн Вант улс - Л.Болд /Ерөнхийлөгч асан Х.Баттулгын зөвлөх/

6. Бүгд Найрамдах Болгар улс - Л.Саяанаа /Шадар сайдын зөвлөх/

7. Унгар улс -С.Баатаржав /Хууль зүй дотоод хэргийн яамны дэд сайд/

8. Бүгд Найрамдах Турк улс - Г.Мөнхбаяр /Нийслэлийн Засаг дарга асан/

9. Бүгд Найрамдах Социалист Вьетнам улс -Ж.Сэрээжав /ГХЯ-ны Гадаад сурталчилгаа, Соёлын Харилцааны Газрын зөвлөх/

10. ХБНГУ - Б.Мандахбилэг /Тусгай үүрэг гүйцэтгэгч Элчин сайд/

11. Арабын Бүгд Найрамдах Египет улс - Э.Булган /Гадаад харилцааны яам/

12. Кувейт улс - Н.Наранбат /Чех улсад суух онц бөгөөд бүрэн эрхт Элчин сайд/

13. Бүгд Найрамдах Чех улс –Д.Гансүх / ГХЯ-ны АОДАГ-ын захирал/

14. Сингапур улс - С.Энхбаяр /Гадаад харилцааны яам/

15. Бүгд Найрамдах Казахстан улс - Д.Баярхүү /Гадаад харилцааны яам/

16. Бүгд Найрамдах Киргиз улс - Д.Ганхуяг / Гадаад харилцааны яам/

17. Арабын Нэгдсэн Эмират улс - Ш.Одонбаатар /Гадаад харилцааны яамны Бодлого төлөвлөлтийн газрын дарга/

18. Их Британи Умард Ирландын Нэгдсэн Вант улс - Б.Энхсүх /Оюуны өмчийн газрын дарга/

19. Бүгд Найрамдах Ардчилсан Солонгос Ард улс- Эрдэнэдаваа /Гадаад харилцааны яам/

20. АНУ - Ө.Батбаяр / Гадаад харилцааны яам/

21. Бүгд Найрамдах Ардчилсан Лаос Ард улс - Ж.Бямбасүрэн /Хил хамгаалах газрын дарга асан/

22. Швейцарын Холбооны улс - Р.Алтангэрэл /Монгол Улсаас Бельгийн Хаант Улсад суух элчин зөвлөх/

23. Бүгд найрамдах Франц улс -У.Нямхүү /Парис дахь Монгол Улсын Элчин сайдын яамны Нэгдүгээр нарийн бичгийн дарга/

24. Бүгд найрамдах Энэтхэг улс- Г.Ганболд

25. Бүгд найрамдах Итали улс –Ц.Нарантунгалаг