Өршөөлийн тухай хуулийн талаар Монгол Улсын Ерөнхийлөгч асан Ц.Элбэгдорж байр сууриа илэрхийлжээ. Тэрбээр цахим хуудаснаа "Өршөөлийн хууль ярьж байгаа юм уу. 100 жилд 1 удаа шоронгоо суллахгүй бол Төрийн Өршөөл байгаад ч яахав. Хүчин, санаатай амь егүүтгэсэнд хатуурхаж болно.
Авлига, албан тушаалыг яахав гэх байх. Бүгд л улс төрийн хэрэг болж дууссан. Монголоо, хүнээ худалдсан нь ордонд, Монголоо, иргэдээ гэсэн нь шоронд орцгоосон. Жинхэнэ алуурчин, хулгайч нь уучлал, шагналаар бялхахыг би ч харлаа, Та ч харлаа. Ийм хоёр нүүртэй, харанхуй, бусармаг төрөөр Монголын ард иргэд яах ч билээ.
УИХ-аас гарах өршөөлд л 100 жилийн ойн нэр нүүр, манлайлал гарвал нэг гарна. Гарахгүй бол эс гарна. Бусад нь үхэл хагацал, гамшиг гутамшиг болоод дууслаа. Өөр юу ч хэлэхэв.
Сэтгэгдэл (25)