ДЭМБ-ын Номхон далайн баруун бүсийн хорооны 63 дугаар чуулган өнгөрсөн даваа гаригт БНСВУ-ын Ханой хотноо эхэллээ. Чуулганд тус бүсийн 37 улс орны төлөөлөгчид, туунчлэн НҮБ-ын Хүүхдийн сан, Хүнс, хөдөө аж ахуйн байгууллага, Хүн амын сан зэрэг олон улсын байгууллагууд болон бусад төрийн бус байгууллагуудын төлөөлөл оролцож байна. Манай улсаас тус чуулганд ЭМЯ-ын Нийгмийн эруул мэндийн бодлогын хэрэгжилтийг зохицуулах газрын дарга С.Төгсдэлгэр, Гадаад хамтын ажиллагааны хэлтсийн дарга Б.Янжмаа, Монголын Мянганы сорилтын сангийн Эрүүл мэндийн төслийн захирал А.Мөнхтайван нар оролцож байна.

ДЭМБ-ын Номхон далайн баруун бүсийн хорооны 63 дугаар чуулган өнгөрсөн даваа гаригт БНСВУ-ын Ханой хотноо эхэллээ. Чуулганд тус бүсийн 37 улс орны төлөөлөгчид, туунчлэн НҮБ-ын Хүүхдийн сан, Хүнс, хөдөө аж ахуйн байгууллага, Хүн амын сан зэрэг олон улсын байгууллагууд болон бусад төрийн бус байгууллагуудын төлөөлөл оролцож байна. Манай улсаас тус чуулганд ЭМЯ-ын Нийгмийн эруул мэндийн бодлогын хэрэгжилтийг зохицуулах газрын дарга С.Төгсдэлгэр, Гадаад хамтын ажиллагааны хэлтсийн дарга Б.Янжмаа, Монголын Мянганы сорилтын сангийн Эрүүл мэндийн төслийн захирал А.Мөнхтайван нар оролцож байна.
Чуулганы нэгдсэн хуралдаан эхэлж чуулганы дарга, дэд дарга, протокол хөтлөгч нарыг сонгосны дараа Бүсийн захирал Др. Шин Ян-Су-гийн үндсэн илтгэлийг сонслоо. Бусийн захирлын ундсэн илтгэлд Номхон далайн баруун бүсийн хорооны 2011 оны долдугаар сарын 1-нээс 2012 оны зургадугаар 30-ны хооронд хэрэгжүүлсэн үйл ажиллагааны тайлан багтжээ. Дээрх хугацаанд Бүсийн хорооноос халдварт болон халдварт бус өвчний урьдчилан сэргийлэлт, хяналт, дархлаажуулалтаар дамжуулан сэргийлж болох өвчнууд, халуун орны өвчнууд, хумхаа, ХДХВ/ДОХ, сурьеэ, халдварт гепатитын хяналт, эх, хүүхдийн өвчлөл, эндэгдэл, хоол тэжээл, эрүүл хот суурин хөтөлбөр, уур амьсгалын өөрчлөлтийн эруул мэндийн нөлөөлөл, гамшиг, онцгой байдлын үеийн бэлэн байдал, хариу арга хэмжээ, эрүүл насжилт, зайлсхийж болох сохрол зэрэг асуудлуудад онцгой анхаарал хандуулж ажилласан байна. Өнгөрсөн нэг жилийн хугацаанд манай бүс Мянганы хөгжлийн эруул мэндийн зорилтуудын хэрэгжилтийг хангах болон халдварт өвчний тандалт, халдварт бус өвчний хяналт зэрэгт тодорхой ахиц дэвшил гарган ажилласан талаар Бүсийн захирал тайландаа сайшаан тэмдэглэв. Ялангуяа халдварт бус өвчний эрсдэлт хүчин зүйлсийн нэг болох тамхины хяналтыг чангатгах чиглэлээр Австрали улсын авч хэрэгжүүлж байгаа шийдэмгий арга хэмжээнүүд нь бүсийн улс орнуудад төдийгүй дэлхий нийтийн хэмжээнд үлгэр дуурайлал болохуйц байгааг цохон тэмдэглэлээ. Тэрбээр манай бүсэд ололт, амжилт багагүй байгаагийн хажуугаар олон олон сорилтууд ч байсаар байгааг онцлов. Тухайлбал, халдварт сааг бурмөсөн устгах, эрүүл мэндийн даатгал, тусламж үйлчилгээний хамралтыг нэмэгдуулэх зэрэгт улам онцгой анхаарал хандуулж, илүү хүчин чармалт гарган ажиллах шаардлагатай байна гэлээ.
Бүсийн захирлын тайлангийн хэлэлцүүлэгт Хятад, Япон, Австрали, Солонгос тэргүүтэй арав гаруй улсын төлөөлөгчид санал, шүүмжлэл хийн оролцсон ба уг хэлэлцүүлэгт Монгол улсыг төлөөлж манай төлөөлөгчдийн тэргүүн С.Төгсдэлгэр оролцов. Тэрбээр Бүсийн захирал болон Бүсийн хорооны өнгөрсөн жилийн үйл ажиллагааны тайланг сайшаагаад, ялангуяа халдварт саагийн дэгдэлтийг таслан зогсоох, улаан бурхныг бүрмөсөн устгах, гепатит B-ийн хяналтыг сайжруулах зэрэгт дорвитой үр дүнд хүрснийг онцлон тэмдэглэв. Түүнчлэн халдварт бус өвчний урьдчилан сэргийлэлт, хяналтын асуудлаар батлагдсан Улс төрийн тунхаглалын мөрөөр ХБӨ-ий эрсдэлт хүчин зүйлсийг бууруулах салбар дундын хамтын ажиллагааны төлөвлөгөө боловсруулан ажиллахад Бүсийн хороо гишүүн улсууддаа мэргэжил, арга зүйн туслалцаа үзүүлэн шуурхай ажилласанд Засгийн газрын нэрийн өмнөөс талархал илэрхийлж, цаашид эрүүл мэндийн хүний нөөцийн хөгжлийн асуудалд Бүсийн хороо онцгой анхаарал хандуулах шаардлагатай байгаа хийгээд ингэхдээ анагаах ухааны боловсрол олгох сургуулиудын сургалтын хөтөлбөр, тогтолцоог сайжруулахад илүүтэй анхаарахыг хүслээ. Мөн гишүүн улс орнууд ялангуяа хөгжиж байгаа улс орнууд донор улсуудын хөгжлийн туслалцааг авахад Бүсийн хороо илүү дэмжлэг үзүүлэн ажиллахыг хүслээ.
Чуулганы үйл ажиллагаа энэ сарын 28-ныг дуустал ургэлжлэх ба бүсийн хорооны санхүүгийн гүйцэтгэл, төсвийн төсөл, ДЭМБ-ын шинэчлэлийн асуудал болон хөтөлбөрүүдийн хэрэгжилтийг нэг бүрчлэн хэлэлцэх юм.