"Хамаг бүдүүн" дарга нарын эрх мэдлийн хамрах хүрээ, хариуцсан талбарууд өөр өөр. Энэ улсын Ерөнхийлөгч, УИХ-ын дарга, Ерөнхий сайд Үндсэн хууль, дагалдах хуулиудад заасан эрхийг эдэлж, үүргийг хэрэгжүүлдэг. Тэгвэл сүүлийн үед УИХ-ын дарга Г.Занданшатар Засгийн газрын тэргүүний өмнүүр орж, томилгоо сэлтэд оролцож "занхалздаг" болжээ.

Г.Занданшатарын гэх хүмүүс Засгийн газарт мэдэгдэлгүй албан тушаалд очих болсон байна. Хамгийн сүүлд "Эрдэнэс силвер монголиа"-гийн захирлаар Г.Занданшатарын зөвлөх асан "Сэрүүлэг" С.Баярмөнх томилогдсон. Одоо Гашуунсухайтын боомтын даргаар бас л түүний хүн гэгдсэн Л.Ганбаяр гэгч томилогдох гэж байгаа ажээ.

Өөр олон томилгоонд "Занданшатарын хүмүүс"-ийн нэр дуулдаж байна. Ингэж Г.Занданшатарт "тавагтай хоол"-оо долоолгох болсон Засгийн газрын тэргүүн ч гэнэт дайрч чангахан "хазаж" мэдэх л юм.

С.Сүлд