Замын-Үүд боомтын ажлыг сайжруулахаар Засгийн газраас бүрэн эрхэт төлөөлөгч томилсон. Тэр нь Ерөнхий сайдын зөвлөх Л.Алтангэрэл байв. Л.Алтангэрэлийг Засгийн газрын бүрэн эрхэт төлөөлөгчөөр томилсны дараа “Замын-Үүдийн ажил сайжрахгүй нь ээ” гэж бат хэлэх хүмүүс байлаа. Учир нь, Л.Алтангэрэл зөвлөх бол улсын нөөц хөрөнгөөс хувьдаа завшсан хэргээр ял сонсож байсан нэгэн. Одоогийн Ерөнхийлөгчийг Ерөнхий сайд байх үед Орчны бохирдол, нийгмийн асуудал хариуцсан зөвлөхөөр томилогдож байсан Л.Алтангэрэл Ерөнхийлөгчийн амин найз нь. Тиймээс л 15 тэрбум төгрөгийг хэргээр ял сонсож байсан Л.Алтангэрэл өдийг хүртэл албан тушаал ахисаар л яваа хүн.

Л.Алтангэрэл П.Даш генералыг Онцгой байдлын даргаар ажиллаж байх үед Улсын нөөц бүрдүүлэлтийн газрын дарга нь байв. Энэ үедээ улсын нөөцийн сангаас 15 тэрбум төгрөг хувьдаа завшсан тул 3.6 жилийн ял сонссон. Гэсэн ч Өршөөл үзүүлэх тухай хуулиар өршөөгдөж байлаа. Өөрийн эхнэрийн эзэмшлийн “АО жаргалант” компанитайгаа шатахуун нийлүүлэх гэрээ байгуулан 1.9 тэрбум төгрөгийг шилжүүлсэн. Ингэхдээ шатахуунаа зах зээлийн үнээс хэт өндрөөр үнэлэн 237 сая төгрөгийг хувьдаа завьшсан байдаг. Энэ бол их олон жилийн өмнөх хэрэг бөгөөд тухайн үеийн 200 сая төгрөг гэдэг бол асар өндөр тоо байлаа. Ийм хүн Замын-Үүдыг засан тохинуулахаар яваад байна.

С.Сүлд