Бүх нийтийн амралт үргэлжилж байна. Гэлээ гээд улс төр, ковид хоёр амарсангүй. МАН дахь "сөрөг хүчин" М.Энхболдын гэгддэг фракцынхан энэ долоо хоногийн амралтын өдрүүдээр Буйр нуурт уулзахаар болзжээ.

Энэ уулзалтыг "Алтай констракшн"-ийн захирал Х.Бат-Эрдэнэ зохион байгуулж буй бөгөөд өөрийнхөө эзэмшлийн "Buir lake complex resort"-д хүлээн авахаар бэлтгэл хангажээ. Уулзалтад оролцохоор Улаанбаатараас М.Энхболд, УИХ-ын гишүүн Ж.Эрдэнэбат нарын УИХ-ын гишүүн, нөлөө бүхий улстөрчид, бизнесмэн гэсэн арав гаруй хүн очих юм байна. Мөн сүүлийн жилүүдэд сураг алдарсан нууц ноёнтон Т.Бадамжунай очих мэдээлэл байна.

Өмнө нь М.Энхболдыг УИХ-ын дарга, МАН-ын дарга, Ж.Эрдэнэбатыг Ерөнхий сайд байхад Буйрт очиж чухал асуудал шийддэг байсан түүх бий. Хамгийн гол нь энэ удаагийн уулзалтаар ямар асуудал ярьж шийдэх нь анхаарал татаж байна.

С.Сүлд